آدھی سے زیادہ بیوروکریسی پرتگال میں پراپرٹی کی مالک
اسلام آباد(دنیا نیوز)وزیردفاع خواجہ آصف نے کہا ہے کہ وطن عزیز کی آدھی سے زیادہ بیوروکریسی پرتگال میں پراپرٹی لے چکی ہے اور شہریت لینے کی تیاری کر رہی ہے ، اوریہ نامی گرامی بیوروکریٹس ہیں ۔
سوشل میڈیا پلیٹ فارم ایکس پر اپنے پیغام میں خواجہ آصف کاکہنا ہے مگر مچھ اربوں روپے کھا کرآرام سے ریٹائرمنٹ کی زندگی گزار رہیں۔ بزدار کا ایک قریب ترین بیوروکریٹ 4 ارب بیٹیوں کی شادی پر صرف سلامی وصول کر چکا ہے اور آرام سے ریٹائرمنٹ کی زندگی گذار رہا ہے ۔ انہوں نے کہاسیاستدان تو انکا بچا کھچا کھا تے اور چولیں مارتے ہیں ، نہ پلاٹ نہ غیر ملکی شہریت کیو نکہ الیکشن لڑنا ہوتا ہے ، پاک سر زمین کو یہ بیوروکریسی پلیدکر رہی ہے ۔
روزنامہ دنیا ایپ انسٹال کریں
