سعید غنی کا بھائی فرحان غنی ساتھیوں سمیت گرفتار، مقدمہ درج
کراچی (مانیٹرنگ ڈیسک)پیپلزپارٹی کے رہنما ، صوبائی وزیر سعید غنی کے بھائی فرحان غنی کو پولیس نے تشدد کے الزام میں ساتھیوں سمیت گرفتار کرکے مقدمہ درج کرلیا۔
ٹی وی رپورٹ کے مطابق فرحان غنی اور ان کے ساتھیوں کو سرکاری اہلکار پر تشدد کے بعد باقاعدہ حراست میں لے لیا گیا ۔پولیس ذرائع کے مطابق فرحان غنی اور ان کے ساتھیوں کے خلاف فیروز آباد تھانے میں سرکاری اہلکار پر تشدد کا مقدمہ دہشتگردی دفعات کے تحت درج کر لیا گیا۔پولیس کے مطابق سرکاری اہلکار حافظ سہیل کی جانب سے درخواست جمع کرائے جانے کے بعد کارروائی کی گئی۔ایف آئی آر میں اقدام قتل ،جان سے مارنے کی دھمکی اور دیگر دفعات شامل ہیں، مقدمہ کے متن میں فرحان غنی کے علاوہ قمر الدین، شکیل چانڈیو، سکندر اور روحان کے نام بھی شامل ہیں۔
روزنامہ دنیا ایپ انسٹال کریں
