سی سی ڈی کو جدید گاڑیوں کی فراہمی کیلئے 2 ارب جاری
لاہور(این این آئی،آ ئی این پی )پنجاب حکومت نے کرائم کنٹرول ڈیپارٹمنٹ (سی سی ڈی ) کو جدید گاڑیوں کی فراہمی کیلئے 2 ارب روپے جاری کر دئیے ،پہلے مرحلے میں حساس اضلاع کیلئے بلٹ پروف ،ڈبل کیبن،آرمرڈ وہیکلز،ہائی روف گاڑیاں خریدی جائیں گی۔
اگلے مرحلے میں بی کیٹیگری اضلاع کے لیے گاڑیوں کی خریداری ہوگی، دوسرے مرحلے میں گاڑیوں کی خریداری کے لیے مزید بجٹ جاری ہوگا۔سی سی ڈی دفاتر اور تھانوں کی تعمیر کے لیے سروے کاعمل بھی شروع ہوگیا ہے ، لاہور، شیخوپورہ،فیصل آباد،ملتان سمیت مختلف شہروں میں عمارتوں کی تعمیر کے لئے رپورٹ جلد مرتب کی جائے گی۔پولیس ذرائع کے مطابق سی سی ڈی نے 40 دفاتر، 38پولیس سٹیشنز،6رہائشی عمارتوں کی ڈیمانڈ کی ہے ، دفاتر،تھانوں،کیمپ آفسز کے لیے 11ارب روپے کا تخمینہ لگایا گیا ہے ،سروے مکمل ہونے پر فنڈز کی منظوری اور اجرا کا عمل شروع ہوگا۔
روزنامہ دنیا ایپ انسٹال کریں
