ایکنک نے 380 ارب کے 12 منصوبوں کی منظوری دیدی
زراعت، تعلیم، صحت، بنیادی ڈھانچے اور ماحولیاتی استحکام کے منصوبے شامل
اسلام آباد (اے پی پی)ایکنک نے 380 ارب روپے سے زائد مالیت کے 12 ترقیاتی منصوبوں کی منظوری دیدی۔ نائب وزیرِاعظم و وزیرِخارجہ سینیٹر اسحاق ڈار کی زیرِ صدارت قومی اقتصادی کونسل کی ایگزیکٹو کمیٹی (ایکنک) کا اجلاس ہوا جس میں زراعت، تعلیم، صحت، بنیادی ڈھانچے اور ماحولیاتی استحکام کے شعبوں کے حوالے سے 380 ارب روپے سے زائد مالیت کے 12 ترقیاتی منصوبوں کی منظوری دی گئی۔ بیان کے مطابق یہ منصوبے پنجاب، سندھ، خیبرپختونخوا، بلوچستان اور گلگت بلتستان کے لئے ہیں۔ نائب وزیرِاعظم نے حکومت کے جامع اور پائیدار قومی ترقی کے عزم کا اعادہ بھی کیا ۔
روزنامہ دنیا ایپ انسٹال کریں
