پختونخواکے کئی سابق وزرا،معاونین نے گاڑیاں واپس نہ کیں
ریسکیو 1122 کی تین گاڑیاں سابق معاون خصوصی نیک محمد کے زیراستعمال کئی سابق کابینہ ارکان نے اپنے سرکاری دفاتر کو تالے بھی لگا رکھے ہیں:ذرائع
پشاور(آئی این پی )خیبرپختونخوا میں سابق صوبائی وزراء اور معاونین کی سرکاری گاڑیوں کی واپسی کا معاملہ تاحال حل نہ ہو سکا،ذرائع کے مطابق خیبرپختونخوا کے کئی سابق وزراء اور معاونین نے متعدد سرکاری گاڑیاں اب بھی واپس نہیں کیں، دستاویزات کے مطابق ریسکیو 1122 کی تین سرکاری گاڑیاں سابق معاون خصوصی ریلیف نیک محمد کے زیر استعمال ہیں،ذرائع کے مطابق گاڑیوں کی واپسی کے لیے ریسکیو 1122 نے تحریری درخواست بھی دی، جبکہ ریسکیو 1122 کی ایک گاڑی تاحال اسلام آباد پولیس کی تحویل میں بھی موجود ہے ،ذرائع کے مطابق کئی سابق کابینہ ارکان نے اپنے سرکاری دفاتر کو تالے بھی لگا رکھے ہیں تاہم اس معاملے پر معاون خصوصی برائے اطلاعات شفیع جان نے مؤقف دینے سے گریز کیا۔
