ٹیکس نظام ڈیجیٹلائزیشن:ایف بی آر کا کنسلٹنٹ مقرر کرنیکا فیصلہ
کنسلٹنٹ سے ٹرانسفارمیشن پلان پر عملدرآمد، مؤثر نگرانی کیلئے بیرونی توثیق کرائی جائیگی منصوبے میں ٹیکس آپریشنز، کسٹمز کی جدید کاری، انسانی وسائل میں جامع اصلاحات شامل
اسلام آباد (نیوز رپورٹر) ایف بی آر نے ٹیکس اصلاحات، ٹیکس آپریشنز اور کسٹم نظام کی ڈیجیٹلائزیشن کے لیے ٹرانسفارمیشن پلان پر عملدرآمد کے لیے کنسلٹنٹ کی خدمات حاصل کرنے کا فیصلہ کیا ہے ۔ ٹرانسفارمیشن کے لیے بیرونی توثیق کے لیے کنسلٹنٹ کی خدمات حاصل کی جائیں گی، ایف بی آر نے اصلاحات کے نفاذ اور جائزہ، ٹیکس انتظامی نظام اور آپریشنز، کسٹمز کی جدید کاری اور ڈیجیٹل تبدیلی، انسانی وسائل میں اصلاحات اور نگرانی و جانچ کے جدید نظام پر منتقل کرنے کا فیصلہ کیا ہے ۔ ایف بی آر کے مطابق کنسلٹنسی کا مقصد ٹرانسفارمیشن پلان پر عملدرآمد کی مؤثر نگرانی اور توثیق یقینی بنانا ہے ۔ کنسلٹنگ فرم کا انتخاب کوالٹی اینڈ کاسٹ سلیکشن میتھڈ کے تحت کیا جائے گا، طریقہ کار پروکیورمنٹ آف کنسلٹنسی سروسز ریگولیشنز 2010 کے مطابق طے کیا گیا ہے ۔
