قومی انڈر16ہاکی چیمپئن شپ: ملتان ہزارہ، بنوں اور راولپنڈی کی کامیابی
قومی انڈر16 ہاکی چیمپئن شپ کے پری کوارٹرفائنل مقابلوں میں ہزارہ ، بنوں، راولپنڈی اور ملتان نے اپنے اپنے میچ جیت لئے ۔آج کوارٹر فائنل میچ کھیلے جائیں گے . .
لاہور(سپورٹس رپورٹر) قومی انڈر16 ہاکی چیمپئن شپ کے پری کوارٹرفائنل مقابلوں میں ہزارہ ، بنوں، راولپنڈی اور ملتان نے اپنے اپنے میچ جیت لئے ۔آج کوارٹر فائنل میچ کھیلے جائیں گے ۔ گزشتہ روز ہزارہ نے اسلام آباد کو ایک کے مقابلے میں 2گول سے شکست دیدی۔ ہزارہ کے حمزہ سجاد اور محسن پرستان نے گول ۔ دوسرے میچ میں بنوں نے ساہیوال کو ایک کے مقابلے میں 7 گول سے شکست دیدی۔بنوں کی جانب سے فہد نے تین،حماد،رومان،خورشیداور جنید نے ایک ایک گول کیا۔تیسرے میچ میں راولپنڈی نے گوجرانوالہ کو سخت مقابلے کے بعد ایک کے مقابلے میں 2 گول سے ہرایا۔ راولپنڈی کی جانب سے ذیشان عالم اور حمزہ نواز نے ایک ایک گول کیا ، آخری میچ میں ملتان نے ڈی جی خان کو صفر کے مقابلے میں تین گول سے شکست دیدی۔عدنان خالد،محمد عدنان اور ندیم نے ایک ایک گول سکور کیا۔
