سابق کرکٹرز کی توجہ گراس روٹ لیول پر ہونی چاہیے :شاہد آفریدی
کراچی (سپورٹس ڈیسک)سابق کپتان شاہد خان آفریدی نے کہاہے کہ جنہوں نے پاکستان کیلئے کھیلا ان کی توجہ انڈر 14، انڈر 16 اور انڈر 19 پر ہونی چاہیے ۔
ایک انٹرویوکے دوران شاہد آفریدی سے پوچھا گیا کہ وہ اتنے تجربے کار ہونے کے باوجود باقی سب کی طرح قومی ٹیم کی کوچنگ کیوں نہیں کرتے ؟ اس کے جواب میں سابق کرکٹر نے کہا کہ جتنے بھی کرکٹرز ہیں جنہوں نے پاکستان کیلئے کھیلا ہے ، ان کی اہم توجہ گراس روٹ لیول یعنی انڈر 14، انڈر 16 اور انڈر 19 پر ہونی چاہیے اور انہیں سکھانا چاہیے ۔انہوں نے کہا ہمارے یہاں ہوتا یہ ہے کہ جنہوں نے کرکٹ کھیلی ہوتی ہے اس کی کوشش ہوتی ہے وہ پاکستان ٹیم کا کوچ بن جائے جس کے حق میں نہیں ہوں۔شاہد آفریدی نے کہا کہ قومی ٹیم کو کوچنگ کی ضرورت نہیں ہوتی، کوچنگ کی ضرورت گراس روٹ لیول پر ہوتی ہے ، اگر ٹیچر اچھا ہوگا تو پراڈکٹ بھی اچھا نکلے گا، اس لیے گراس روٹ لیول پر کام کرنے کی ضرورت ہے ۔
