ورلڈ کپ:آئی سی سی کاامپائرز،ریفریز کی تقرری کا اعلان
دبئی (اسپورٹس ڈیسک)انٹرنیشنل کرکٹ کونسل نے ورلڈ کپ میں امپائرز اور ریفریز کی تقرری کا اعلان کر دیا۔پاکستان اور نیدر لینڈز کے میچ میں جیف کرو میچ ریفری کے فرائض انجام دیں گے ، 6 اکتوبر کو کرس براؤن اور ایڈرین ہولڈ سٹاک فیلڈ امپائر اور راڈنی ٹکر ٹی وی امپائر ہوں گے ۔
آئی سی سی کے مطابق پاکستان اور سری لنکا کے میچ میں اینڈریو پائیکرافٹ میچ ریفری، کرس گفانے اور ایلکس وارف فیلڈ امپائر ہوں گے ۔پاک بھارت میچ میں بھی اینڈریو پائیکرافٹ میچ ریفری کے فرائض انجام دیں گے جبکہ رچرڈ النگ ورتھ اور مارس اراسمس فیلڈ اور رچرڈ کیٹلبرو ٹی وی امپائر ہوں گے ۔آئی سی سی کے مطابق پاکستان اور آسٹریلیا گروپ میچ میں رچی رچرڈسن ریفری، رچرڈ النگ ورتھ اور کرس براؤن فیلڈ امپائر ہوں گے جبکہ رچی رچرڈسن پاکستان اور افغانستان میچ میں بھی ریفری ہوں گے ۔ پاک نیوزی لینڈ آفیشلز ٹیم میں رچی رچرڈسن، پال ولسن، کیٹلبرو اور رچرڈ النگ ورتھ شامل ہیں، پاکستان اور انگلینڈ کے میچ میں بھارت کے جواگل سری ناتھ میچ ریفری جبکہ پال ولسن اور راڈنی ٹکر میچ ریفری ہوں گے ۔پاکستان کے احسن رضا ورلڈ کپ کے 12 میچز میں میچ آفیشلز کی ٹیم کا حصہ ہوں گے ۔
