’’فلسطینیوں پر بمباری بند کرو‘‘ دوران میچ نوجوان گرائونڈ میں آگیا
احمد آباد (سپورٹس ڈیسک ) آئی سی سی ورلڈکپ فائنل میچ کے دوران فلسطین کے حامی نوجوان نے میدان میں جاکر ویرات کوہلی کو گلے لگالیا۔
احمد آباد کے نریندر مودی کرکٹ سٹیڈیم میں کھیلے جارہے میچ کے 14ویں اوور میں فلسطین کے حامی نوجوان نے بھارتی بیٹر ویرات کوہلی کو گلے لگا لیا، تماشائی سکیورٹی اہلکاروں کو چکمہ دیکر میدان میں داخل ہوا، جس نے فلسطینی پرچم والا ماسک پہننا ہوا تھا جبکہ ٹی شرٹ پر ‘‘فلسطینیوں پر بمباری بند کرو’’ کا نعرہ درج تھا۔ تماشائی کے میدان میں آنے کی وجہ سے کھیل کو کچھ دیر کیلئے روکنا پڑا، بعدازاں سکیورٹی اہلکاروں نے نوجوان کو حراست میں لے لیا ۔قبل ازیں ورلڈکپ 2023 کے دوران پاکستان اور بنگلہ دیش کے درمیان میچ کے دوران فلسطین کا پرچم لہرایا گیا تھا، جس پر 4 شائقین کرکٹ کو حراست میں لے لیا گیا تھا۔
روزنامہ دنیا ایپ انسٹال کریں
