بابر بہترین بیٹر ، کوئی خاص کمزوری نہیں،آسٹریلوی با لرز
کینبرا (اسپورٹس ڈیسک)پاکستان اور آسٹریلیا کے درمیان ٹیسٹ سیریز شروع ہونے سے قبل آسٹریلوی بالرز نے بابر اعظم کے بارے میں گفتگو کرتے ہوئے کہا ہے کہ بابر اعظم دنیا کے بہترین بیٹرز میں سے ایک ہیں۔۔
ان کی کوئی خاص کمزوریاں نہیں ہیں۔ میڈیا سے گفتگو میں آسٹریلوی فاسٹ بالر اور کپتان پیٹ کمنز نے کہا کہ بابر اعظم کی تکنیک بہت مضبوط ہے ، وہ گراؤنڈ میں کہیں بھی سکور بنا سکتے ہیں اور اس سیریز میں بابر ہمارے لیے مشکل ہوں گے ۔ بابر کو آؤٹ کرنے کے بعد ہمیشہ آپ مطمئن ہوتے ہیں۔ جوش ہیزل ووڈ نے کہا کہ بابر اعظم ایک کلاس کے کھلاڑی ہیں، پہلے ون ڈے کرکٹ میں اپنا لوہا منوایا اور پھر ٹیسٹ کرکٹ میں بھی اپنے کھیل کو مضبوط کیا۔جوش ہیزل ووڈ نے کہا کہ بابر اعظم ایک کوالٹی پلیئر ہیں، اگر آپ نے بابر کو آؤٹ نہیں کیا تو وہ آپ کو نقصان پہنچائیں گے ۔اسپنر نیتھن لیون نے کہا کہ بابر اعظم بہت ہی ٹیلنٹڈ کھلاڑی ہیں، جب بابر بیٹنگ کرتے ہیں تو اپنے ہاتھوں کا خوبصورت استعمال کرتے ہیں۔ مچل اسٹارک نے کہا کہ بابر اعظم کے بیٹنگ کا مزاج بہت کمال کا ہے ، بابر کے پاس ہر قسم کے شاٹس ہیں، وہ ایسے کھلاڑی ہیں جو اننگز کو بنا سکتے ہیں اور وقت پر جارحانہ بھی کھیل سکتے ہیں۔
