پاک بنگلادیش کی ٹیسٹ سیریز کیلئے میچ آفیشلز کا اعلان
اسلام آباد(سپورٹس رپورٹر )پاکستان اور بنگلادیش کے درمیان ٹیسٹ سیریز کیلئے آئی سی سی میچ آفیشلز کا اعلان کردیا گیا۔
سری لنکا کے رنجن مدوگالے آئی سی سی میچ ریفری مقرر کیے گئے ہیں جبکہ پہلے ٹیسٹ میں انگلینڈ کے رچرڈ کیٹلبرو اور جنوبی افریقا کے ایڈرین ہولڈ سٹوک آن فیلڈ امپائر ہونگے ۔دونوں ٹیموں کے درمیان پہلا ٹیسٹ میچ 21 سے 25 اگست تک راولپنڈی میں کھیلا جائے گا۔دوسرے ٹیسٹ میچ میں ایڈرین ہولڈ سٹوک اور انگلینڈ کے مائیکل گف امپائرنگ کے فرائض انجام د ینگے ۔ دوسرا ٹیسٹ میچ کراچی میں 30 اگست سے 3 ستمبر تک شیڈول ہے ۔
روزنامہ دنیا ایپ انسٹال کریں
