بل کی عدم ادائیگی پر پاکستان ہاکی فیڈریشن کی بجلی منقطع
لاہور(سپورٹس ڈیسک )بل کی عدم ادائیگی پر پاکستان ہاکی فیڈریشن (پی ایچ ایف) کی بجلی منقطع کردی گئی۔ذرائع کے مطابق پاکستان ہاکی فیڈریشن نے 69 لاکھ سے زائد بجلی کا بل ادا نہیں کیا۔۔
جس پر لیسکو کی جانب سے ایکشن لیا۔پنجاب ہاکی ایسوسی ایشن کے دفتر کا بجلی کا بل 5 لاکھ روپے ہے ، اس کی بھی بجلی کاٹی گئی ہے ۔ دفاتر میں موجود اسٹاف نے بجلی کٹنے کے بارے میں پی ایچ ایف حکام کو آگاہ کردیا ہے ۔امکان ہے کہ پیسوں کا بندوبست ہونے کے بعد کل بل کی ادائیگی ممکن بنائی جائے گی۔
روزنامہ دنیا ایپ انسٹال کریں
