پاک زمبابوے فیصلہ کن ون ڈے آج ، دھانی ، احمد دانیال باہر
بلاوائیو(سپورٹس ڈیسک )پاکستان اور زمبابوے کے درمیان تین میچوں پرمشتمل ون ڈے سیریز کا فیصلہ کن میچ آج بلاوائیومیں کھیلاجائیگا جبکہ فاسٹ بولر احمد دانیال اور شاہنواز دھانی انجری کے باعث زمبابوے کیخلاف جاری ون ڈے سیریز سے باہر ہوگئے ہیں۔
پاکستان کرکٹ بورڈ کی جانب سے جاری کردہ اعلامیے میں کہا گیا ہے کہ احمد دانیال کو ہمسٹرنگ انجری کا سامنا کرنا پڑا ہے جبکہ شاہنواز دھانی اتوار کے ٹریننگ سیشن کے دوران بائیں ٹخنے میں چوٹ لگنے سے زخمی ہوگئے ۔ دونوں کرکٹرز کے ابتدائی سکین اور طبی معائنے کے بعد انجریز کی نوعیت کا اندازہ ہوسکے گا تاہم انہیں واپس پاکستان بھیجا جارہا ہے ۔فاسٹ بولرز وطن واپسی پر نیشنل کرکٹ اکیڈمی میں رپورٹ کریں گے ، جہاں انہیں ری ہیب کروایا جائے گا۔دونوں کرکٹرز کی جگہ عباس آفریدی اور جہانداد خان کو سکواڈ میں شامل کیا گیا ہے جو بلاوئیو میں سیریز کے فیصلہ کن میچ کیلئے سلیکشن ٹیم کو دستیاب ہونگے ،دریں اثنا 3 میچوں کی ٹی20 سیریز میں احمد دانیال کی جگہ عامر جمال کو شامل کیا گیا ہے ۔
