سکواش لیجنڈ جان شیر خان ہال آف فیم میں شامل
کراچی(سپورٹس ڈیسک)پاکستان کے سکواش لیجنڈ جان شیر خان پی ایس اے ہال آف فیم میں شامل ہوگئے ۔پاکستان کے سابق ورلڈ چیمپئن جان شیر کے ساتھ ملائشیا کی خاتون کھلاڑی نکول ڈیوڈ کی بھی شمولیت ہوئی ہے ۔
جان شیر اور نکول ڈیوڈ پی ایس اے سکواش ہال آف فیم میں شامل ہونے والے باالترتیب تیسرے اور چوتھے پلیئرز ہیں۔اس سے قبل پاکستان کے جہانگیر خان اور نیوزی لینڈ کی سوسین ڈیوائے کو یہ اعزاز مل چکا ہے ۔ہال آف فیم میں شامل دونوں مرد پلیئرز کا تعلق پاکستان سے ہیں، جان شیر خان نے ریکارڈ آٹھ مرتبہ ورلڈ اوپن اور چھ مرتبہ برٹش اوپن ٹائٹل جیتا ہے ۔جان شیر نے پروفیشنل سکواش میں ریکارڈ 99 ٹائٹلز جیتے ہوئے ہیں ۔
روزنامہ دنیا ایپ انسٹال کریں
