چیمپئنز ٹرافی ہائبرڈ ماڈل پر ہو گی:بھارتی ویب سائٹ کا دعویٰ
ممبئی (سپورٹس ڈیسک )بھارتی کرکٹ ویب سائٹ نے دعویٰ کیا ہے کہ چیمپئنز ٹرافی ہائبرڈ ماڈل پر ہو گی۔
پاکستان نے ہائبرڈ ماڈل کے بجائے چیمپئنز ٹرافی کے لیے ٹو نیشن فارمولا دیا ہے ۔پاکستان نے نیوٹرل وینیو پر بھارت سے 3 ملکی سیریز کھیلنے کی شرط بھی عائد کی، بھارت سہ فریقی سیریز کرانے کا مطالبہ منظور نہیں کرے گا۔آئی سی سی اجلاس میں ہائبرڈ ماڈل کی منظوری کا امکان ہے ، بھارت کے تین لیگ میچز، ایک سیمی فائنل اور فائنل دوسری جگہ ہونگے ، دوسری جگہ یو اے ای ہونے کا امکان ہے ۔ پاکستان کرکٹ بورڈ نے ماڈل تسلیم کے لیے 4 سے 5 شرائط رکھی ہیں جو منظور کیے جانے کا امکان نہیں ہے ، ویب سائٹ نے یہ بھی دعویٰ کیا ہے کہ براڈ کاسٹرز کو ان شرائط سے اتفاق نہیں وہ بھی مخالفت کرینگے ، دوسری جانب پی سی بی کے ذرائع نے کہا کہ بھارتی ویب سائٹ کی خبر میں کوئی صداقت نہیں ہے ، پی سی بی چیمپئنز ٹرافی سے متعلق اپنے مؤقف پر قائم ہے ۔
