جونیئر گرلز سکواش چیمپئن شپ، صدف آفریدی سیمی فائنل میں پہنچ گئیں
پشاور(سپورٹس ڈیسک )خیبر پختونخوا اسکواش ایسوسی ایشن کے زیر اہتمام قیوم سپورٹس کمپلیکس پشاور میں جاری خیبر پختونخوا جونیئر سکواش چیمپئن شپ گرلز انڈر 13 کیٹیگری میں صدف آفریدی نے حبا امتیاز کو دو صفر سے شکست دے کر سیمی فائنل کے لیے کوالیفائی کیا۔
صدف آفریدی نے کہاکہ وہ سکواش میں قومی اور عالمی سطح پر نمایاں مقام بنانا چاہتی ہیں جس کے لیے وہ سخت محنت کر رہی ہیں، والدین ان کی بھرپور حوصلہ افزائی کر رہے ہیں، وہ کوچنگ اور تربیت کے ساتھ ساتھ مختلف ٹورنامنٹ میں محنت کر رہی ہیں۔ والدین اور کوچ کی نگرانی میں ان کی محنت ضرور رنگ لائے گی۔
روزنامہ دنیا ایپ انسٹال کریں
