انجری،یونائیٹڈ کے میتھیو شارٹ سپر لیگ سے باہر
راولپنڈی(سپورٹس رپورٹر)اسلام آباد یونائیٹڈ کے آسٹریلوی آل راؤنڈر میتھیو شارٹ پاکستان سپر لیگ سیزن 10سے باہر ہوگئے ہیں۔
اسلام آباد یونائیٹڈ کے اعلامیے کے مطابق میتھیو شارٹ آئی سی سی چیمپئنز ٹرافی میں انجری کے باعث ایونٹ سے دستبردار ہوئے ہیں۔پاکستان آمد کے بعد میتھیو شارٹ کی انجری سے ریکوری بہترین تھی لیکن انہیں دوبارہ تکلیف محسوس ہوئی جس کی وجہ سے انہوں نے ایونٹ سے دستبرداری کا فیصلہ کیا۔اسلام آباد یونائیٹڈ اور کرکٹ آسٹریلیا کے میڈیکل اسٹاف نے مشترکہ طور پر میتھیو شارٹ کی دستبرداری پر فیصلہ کیا۔میتھیو شارٹ آسٹریلیا واپس روانہ ہوگئے ، ری ہیب کرکٹ آسٹریلیا کی نگرانی میں کریں گے ۔
روزنامہ دنیا ایپ انسٹال کریں
