پاک بھارت کشیدگی : تمام ڈومیسٹک کرکٹ ٹورنامنٹ ملتوی
لاہور(سپورٹس ڈیسک )پاکستان کرکٹ بورڈ نے ملک میں جاری تمام ڈومیسٹک کرکٹ ٹورنامنٹ کو فوری طور پر ملتوی کرنے کا اعلان کردیا ۔
بورڈ کی جانب سے جاری کردہ اعلامیے میں کہا گیا ہے کہ پریذیڈنٹ ٹرافی گریڈ 2، ریجنل انٹرا ڈسٹرکٹ چیلنج کپ، انٹر ڈسٹرکٹ انڈر 19 ون ڈے ٹورنامنٹس کو ملک میں سکیورٹی صورتحال کے باعث فوری طور پر ملتوی کردیا گیا ہے ۔ٹورنامنٹس کو ری شیڈول کرنے سے متعلق اعلان جلد کیا جائے گا جبکہ تمام ایونٹس اسی مرحلے سے دوبارہ شروع ہونگے ،قبل ازیں پی سی بی نے پاک بھارت کشیدگی کو دیکھتے ہوئے پی ایس ایل کے 10ویں ایڈیشن کو ملتوی کرنے کا اعلان کیا تھا۔پی سی بی کے مطابق یہ فیصلہ وزیرِ اعظم شہباز شریف کی مشاورت سے کیا گیا ہے ، وزیرِ اعظم نے ملک کی سلامتی کو درپیش خطرات کے پیشِ نظر قومی توجہ کو مسلح افواج کی قربانیوں اور دفاعِ وطن کی کوششوں پر مرکوز کرنیکی ہدایت دی۔
