رستم زماں گاما پہلوان کا یوم پیدائش 22مئی کو منایا جائے گا
لاہور (سپورٹس ڈیسک )پاکستان کے نامور اور ناقابل شکست پہلوان، رستم زماں المعروف گاما پہلوان کا یوم پیدائش 22مئی کو منایا جائے گا۔
گاما پہلوان کا اصل نام غلام محمد بخش بٹ تھا اور ان کی پیدائش 22 مئی 1878ء کو امرتسر میں ہوئی، ان کا تعلق کشمیری بٹ خاندان سے تھا۔انہوں نے ورلڈ چیمپئن کا مقابلہ جیتا اس لیے انہیں ’’رستمِ زماں’’ کے خطاب سے بھی نوازا گیا، وہ قدیم فنِ پہلوانی کے بانیوں میں سے تھے ۔گاما نے 1902ء میں صرف 22 سال کی عمر میں 1200 کلو وزنی پتھر اٹھایا اور اپنے سینے تک بلند کر کے کچھ قدم چلے بھی تھے ۔ یہ پتھر آج بھی بھارت کے بارودا میوزیم سایاجی باغ میں موجود ہے اور اس پر تحریر کیا گیا ہے کہ یہ پتھر 23 دسمبر 1902ء کو گاما پہلوان نے اٹھایا تھا۔
گاما پہلوان نے اپنے 50 سالہ کیریئر میں 5 ہزار سے زائد میچ کھیلے اور کبھی ایک میچ بھی نہیں ہارے ۔
روزنامہ دنیا ایپ انسٹال کریں
