ٹی ٹونٹی سیریز ،پاکستان نے بنگلا دیش کو 37 رنز سے ہرا دیا
لاہور(سپورٹس ڈیسک)پاکستان بمقابلہ بنگلادیش ٹی ٹونٹی سیریز کے پہلے میچ میں پاکستان نے بنگلا دیش کو 37رنز سے شکست دے دی۔
قذافی سٹیڈیم لاہور میں کھیلے گئے میچ میں بنگلا دیش کی ٹیم 202 رنز کے تعاقب میں 19.2 اوورز میں 164 رنز بنا کر آؤٹ ہوگئی۔بنگلا دیش کی جانب سے کپتان لٹن داس 48 رنز بنا کر نمایاں رہے ۔ پاکستان کی جانب سے حسن علی نے 5 وکٹیں حاصل کیں۔ شاداب خان نے 2 کھلاڑی آؤٹ کئے ۔اس سے قبل پاکستان نے ٹاس جیت کر پہلے بیٹنگ کرتے ہوئے مقررہ اوورز میں سات وکٹوں کے نقصان پر 201 رنز سکور کئے ۔پاکستان کی جانب سے کپتان سلمان آغا 56 رنز بنا کر نمایاں رہے ۔ شاداب خان 48، حسن نواز 44، محمد حارث 31، خوشدل شاہ 5، فخر زمان 1 اور صائم ایوب 0 کے انفرادی سکور پر آؤٹ ہوئے ۔ بنگلا دیش کی جانب سے شریف الاسلام نے 2 جبکہ شمیم حسین، حسن محمود، مہدی حسن، تنظیم حسن ثاقب اور رشاد حسین نے 1، 1 وکٹ حاصل کی۔
