قومی انٹرنیشنل کرکٹرز کیلئے ایک ڈومیسٹک ٹورنامنٹ کھیلنا لازمی
لاہور (سپورٹس ڈیسک)پاکستان کرکٹ بورڈ( پی سی بی )نے فیصلہ کیا ہے کہ پاکستان کے تمام انٹرنیشنل کرکٹرز ایک ڈومیسٹک ٹورنامنٹ لازمی کھیلیں گے۔
چیئرمین پاکستان کرکٹ بورڈ محسن نقوی کی زیرصدارت اجلاس ہوا،اجلاس میں مستقبل کی کرکٹ سیریز کے حوالے سے تیاریوں کاجائزہ لیا گیا،اجلاس میں فیصلہ کیا گیا ہے کہ تمام انٹرنیشنل کرکٹرز ایک ڈومیسٹک ٹورنامنٹ لازمی کھیلیں گے ۔اس موقع پرچیئرمین پی سی بی نے کہا انٹرنیشنل کرکٹرزکیساتھ کھیلنے سے ڈومیسٹک پلیئرزکی گرومنگ ہوگی،ڈومیسٹک کرکٹ کامضبوط ڈھانچہ ہی بہترین کرکٹرز کو آگیلاسکتاہے ،ڈومیسٹک کرکٹرزسے ہی انٹرنیشنل کرکٹرزکااچھا بیک اپ ملے گا۔اجلاس میں شاہینز ٹیم کی کرکٹ سیریزکی تیاریوں کاجائزہ لیا گیا،سنٹرل کنٹریکٹ پرکام کی ہدایت کی گئی ہے ،پاکستانی ٹیم کی جنوبی افریقا اورسری لنکا کیخلاف ہوم سیریز ،دورہ ویسٹ انڈیز اور بنگلا دیش کی تیاریوں پر بریفنگ دی گئی، اجلاس میں ہیڈ کوچ مائیک ہیسن، ٹی ٹونٹی کپتان سلمان آغا بھی شریک ہوئے ۔
