سمندری تہہ کے اندر میٹھے پانی کا نایاب ذخیرہ دریافت
سائنسدانوں نے سمندری تہہ سے تازہ پانی کا بڑا ذخیرہ دریافت کرلیا،جس کا حجم 2000 مربع کلومیٹر یعنی اونٹاریو جھیل سے زیادہ ہے
آکلینڈ(نیٹ نیوز)سائنسدانوں نے سمندری تہہ سے تازہ پانی کا بڑا ذخیرہ دریافت کرلیا،جس کا حجم 2000 مربع کلومیٹر یعنی اونٹاریو جھیل سے زیادہ ہے ۔یہ ذخیرہ نیوزی لینڈ کے جنوبی جزیرے کے قریب سمندری تہہ کے اندر دریافت کیا گیا، جس کیلئے جدید ٹیکنالوجی کا سہارا لیاگیا۔یہ دریافت 8 سال سے جاری تحقیق کے نتیجے میں ہوئی، جس کے مطابق تازہ پانی کا یہ ذخیرہ سمندری تہہ میں تقریباً 65 فٹ گہرائی میں ہے جبکہ یہ نیوزی لینڈ کے ساحلی شہر تیمارو سے 60 کلومیٹر دور ہے ۔ذخیرے میں اولمپک سائز کے 80 کروڑ سوئمنگ پولز جتنا پانی ہے ۔
روزنامہ دنیا ایپ انسٹال کریں
