سیاح خواتین کا شیشے کے پل پر ڈانس ، سکیورٹی گارڈ خوفزدہ
چین میں خواتین سیاحوں نے شیشے کے پل پر اچھل کود کرکے ماحول کو اتنا خوفناک بنادیا کہ سکیورٹی اہلکار ان پر چلا اٹھا
شنگھائی (نیٹ نیوز) میڈیا رپورٹس کے مطابق چین کے صوبہ ژی ژیانگ کے شہر ہینگ ژو کے پہاڑی علاقے پر بنے 394 فٹ بلند شیشے کے پُل پر خواتین سیاح کا گروپ ڈانس کر رہا تھا جس کے باعث پُل زور زور سے ہلنے لگا لیکن خواتین ڈانس میں مشغول رہیں اور ویڈیو بناتی رہیں ۔ پُل کو بری طرح ہلتا دیکھ کر ڈیوٹی پر مامور سکیورٹی اہلکار چلا اٹھا اور خواتین کو رکنے کا کہہ کر کہنے لگا کہ پُل گر جائیگا۔خواتین کو اپنی غلطی کا احساس ہوا تو رُک گئیں جس پر اہلکارنے سکون کا سانس لیا۔
روزنامہ دنیا ایپ انسٹال کریں
