15منٹ میں کورونا کی ایک قسم ختم کرنیوالا پینٹ
برطانوی کمپنی نے ایک قسم کا پینٹ بنایا ہے جو گھر اور دفاتر میں لگانے سے کورونا کی ایک قسم کو 15 منٹ میں ختم کرسکتا ہے
لندن(نیٹ نیوز) ایئرلائٹ کمپنی نے ‘پیورلائٹ انٹیریئر’ اور ‘سن لائٹ ایکسٹیریئر’ پینٹ کے فارمولے بنائے ہیں جو کورونا کی ایک قسم این ایل 63 کو صرف 15 منٹ میں ختم کرسکتے ہیں۔ یونیورسٹی کالج لندن میں واقع وائرولوجی ڈیپارٹمنٹ نے اس کی آزمائش کی ۔ یہاں وائرس کی ماہر کیارہ مینسرالی اور ان کے ساتھیوں نے تصدیق کی کہ پینٹ این ایل 63 کی 99 فیصد مقدار کو بہت تیزی سے ختم کردیتا ہے ۔ روغن خشک ہونے کے بعد جیسے ہی اس پر دھوپ پڑتی ہے پینٹ پر چارج شدہ ذرات کی ایک پرت بن جاتی ہے ۔ جیسے ہی اس کے قریب کوئی وائرس آتا ہے تو ہائیڈروآکسائیڈ آئن وائرس کا ہائیڈروجن چرالیتے ہیں ۔ اسطرح وائرس پانی وجود میں آتا ہے اور وائرس تباہ ہوجاتاہے ۔
روزنامہ دنیا ایپ انسٹال کریں
