نیٹ فلکس دیکھنے والوں کو 500 ڈالر کی ملازمت کی پیشکش
امریکا میں ایک ادارے نے ایسے ملازمین کی تلاش شروع کردی ہے جو بس نیٹ فلکس دیکھتے رہیں اور پیزا کھاتے رہیں، اس کیلئے کمپنی انہیں 500 ڈالر تنخواہ ادا کرے گی
نیو یارک(نیٹ نیوز)ایک امریکی ویب سائٹ بونس فائنڈر نے اپنی نئی ملازمت کیلئے اشتہار جاری کیا ، آسامی کا نام پروفیشنل بنج واچر ہے ۔اس مختصر مدتی ملازمت کیلئے ملازم کو ویڈیو سٹریمنگ پلیٹ فارم نیٹ فلکس دیکھنا ہوگا اور ساتھ ساتھ پیزا کھاتے رہنا ہوگا۔کمپنی کا کہنا ہے کہ امیدوار کو نیٹ فلکس کی کوئی 3 سیریز دیکھنی ہوں گی اور ان کے پلاٹ، ہدایت کاری اور اداکاری پر ریویو پیش کرنا ہوگا۔علاوہ ازیں اس دوران ملازم کو مختلف مقامات کا پیزا کھانے کو دیا جائے گا اور ملازم کو پیزا کے ذائقے ، رنگ اور اجزا وغیرہ کی بنیاد پر اس کا بھی ریویو پیش کرنا ہوگا۔
روزنامہ دنیا ایپ انسٹال کریں
