تندور والے کی انتہائی کراہیت آمیز حرکت، ویڈیو وائرل
منگنی کی رسم کے دوران تندور پر روٹیاں پکانے والا نوجوان روٹی پر دیدہ دلیری سے تھوک لگا کر تندور میں لگاتا رہا، سوشل میڈیا پر وائرل کراہیت آمیز ویڈیو دیکھ کر صارفین کو الٹیاں لگ گئیں
ممبئی(نیٹ نیوز)بھارتی ریاست اتر پردیش سے ویڈیو منظر عام پر آئی ہے جس میں دیکھا جاسکتا ہے کہ شہر میرٹ میں ایک منگنی کی رسم کے دوران مہمانوں کیلئے روٹیاں پکانے والا نوجوان تندور میں روٹی لگانے سے قبل روٹی پر تھوکتا رہا۔رپورٹ کے مطابق روٹی پکانے والے شخص کی شناخت نوشاد کے نام سے ہوئی ہے ۔ یہ ویڈیو تقریب میں موجود ایک بچے نے بنائی تھی جس نے نوشاد کو روٹیوں پر تھوکتے ہوئے دیکھ لیا تھا، بعدازاں بچے نے ویڈیو اپنے اہل خانہ کو دکھائی۔بچے کے اہل خانہ نے نوشاد کی کیٹرنگ سروس کے کنٹریکٹر کے خلاف پولیس میں شکایت درج کروائی جس پر پولیس نے کارروائی کرتے ہوئے دونوں کو گرفتار کرلیا۔
