دنیا کا سب سے چھوٹا اور سستا الیکٹرک ڈبل کیبن ٹرک
بیجنگ(نیٹ نیوز)چین میں تیار کیا جانے والا شیان مانگیا ایک مکمل اور فعال الیکٹرک ڈبل کیبن ٹرک ہے جو صرف 3 ہزار ڈالر سے بھی کم قیمت میں دستیاب ہے اور آرڈر کرنے پر براہ راست آپ کی دہلیز پر پہنچایا جاسکتا ہے۔
شیان مانگیا نامی مذکورہ بالا ٹرک کو خریدنے کے لیے چینی شاپنگ جائنٹ علی بابا کو آن لائن آرڈر دیا جاسکتا ہے جو کہ یہ آرڈر 15 سے 20 دنوں میں آپ کے گھر کے دروازے تک پہنچا دے گا۔ آرڈر کرنے سے پہلے آپ کیلئے یہ جاننا ضروری ہے کہ شیان مانگیا کسی امریکی یا یورپی ڈبل کیبن ٹرک جیسا نہیں ہے ، اس کا وزن 680 سے 785 کلوگرام کے درمیان ہے اور اس کی پیمائش 3750 ایم ایم سے 1450 اور 1600 تک ہے ۔اس کی زیادہ سے زیادہ رفتار 55 کلومیٹر ہے ، یہ ایک کار سے بھی چھوٹا ہے لیکن یہ بات ذہن میں رکھیں کہ آپ ایک حقیقی پک اپ ٹرک کی قیمت سے بہت ہی کم پر یہ وہیکل حاصل کر رہے ہیں۔
