سر سے گیند کو مارنے پرفٹبالرز کے دماغی افعال متاثر ہوسکتے
بوگوتا(نیٹ نیوز) فٹبال کے کھلاڑی جو اپنے سر سے گیند کو مارتے ہیں انکے دماغی افعال میں قابل قدر کمی واقع ہو سکتی ہے ۔
میڈیا رپورٹس کے مطابق کولمبیا میں اس حوالے سے تحقیقی مطالعہ سامنے آیا جو ریڈیولاجیکل سوسائٹی آف نارتھ امریکا کے سالانہ اجلاس میں پیش کیا گیا۔مطالعے کے سینئر مصنف اور کولمبیا یونیورسٹی کے ریڈیولوجی پروفیسر ڈاکٹر مائیکل ایل لپٹن کہتے ہیں کہ سر پر کسی شے کے بار بار ٹکراؤ سے پیدا ہونیوالے اثرات بعد میں زندگی میں طبی مسائل پیدا کر سکتا ہے یہاں تک کہ جب کوئی واضح چوٹ بھی نہ ہو۔ڈاکٹر مائیکل نے کہا کہ کئی سالوں سے کھیلوں میں مسلسل سر پر اشیا کے ٹکراؤ کا نیوروڈیجینریٹیو بیماری اور ڈیمنشیا کا باعث بننا دنیا بھر میں بہت زیادہ تشویش کا باعث ہے ۔تاہم انہوں نے مزید کہا کہ ان دماغی فعالیت میں تبدیلیوں کو سمجھنے کیلئے مزید تحقیق کی ضرورت ہے جو طویل مدتی نقصان کے امکانات کو ظاہر کرتی ہیں۔
