بہتر نیند موٹاپے میں کمی سے منسلک ہے:تحقیق
![بہتر نیند موٹاپے میں کمی سے منسلک ہے:تحقیق](https://dunya.com.pk/news/2024/September/09-01-24/news_big_images/2400465_61033568.jpg)
اوریگون(نیٹ نیوز)اچھی نیند جسمانی نظام کی ‘قدرتی گھڑی’ (باڈی کلاک) کو درست رکھنے کیلئے ضروری ہے جس میں 24 گھنٹے میں ہارمونز اور نیورو ٹرانسمیٹر کی سطح میں اتار چڑھاؤ کو متوازن رکھنا شامل ہے۔
اوریگون ہیلتھ اینڈ سائنس یونیورسٹی کے محققین کی تحقیق سے پتہ چلتا ہے کہ زیادہ وزن یا موٹاپے کے شکار افراد جن نیند کی کمی کیوجہ سے باڈی کلاک اچھی طرح سے متوازن نہیں ہے ، وہ منفی میٹابولک اثرات کا تجربہ کر سکتے ہیں۔دی جرنل آف کلینیکل اینڈو کرائنولوجی اینڈ میٹابولزم میں شائع نتائج بتاتے ہیں کہ یہ منفی اثرات مردوں اور عورتوں کے درمیان نمایاں طور پر مختلف ہوتے ہیں۔ محققین کا کہنا ہے کہ بہتر اور اچھی نیند لینے سے باڈی کلاک کو ایڈجسٹ کرکے ممکنہ طور پر زیادہ وزن اور موٹاپے سے وابستہ کچھ خطرات کو کم کیا جاسکتا ہے۔