1500کلو وزنی بھینس کی قیمت 76 کروڑ سے بھی زیادہ
ممبئی(نیٹ نیوز)بھارتی ریاست ہریانہ کی ایک بھینس نے اپنے وزن، روزانہ کی خوراک اور قیمت کے باعث عالمی شہرت حاصل کرلی۔
انمول نامی بھینس کو آل انڈیا کسان فیسٹول میں نمائش کے لیے پیش کیا گیا، 1500 کلو وزنی اس بھینس کی قیمت 23 کروڑ بھارتی روپے ہے جو پاکستانی 76 کروڑ روپوں سے زائد بنتے ہیں۔ بھینس کی روزانہ کی خوراک میں 250 گرام بادام، 4 کلو انار، 30 کیلے اور 20 انڈوں سمیت سبز چارہ، دیسی گھی، سویابین اور مکئی شامل ہیں جب کہ یہ روزانہ 5 کلو دودھ بھی پیتی ہے ۔انمول کی صحت کے ساتھ ساتھ اس کا مالک بھینس کی جلد کا بھی خاص خیال رکھتا ہے جس کے لیے وہ انمول کو روزانہ بادام اور سرسوں کے تیل سے 2 بار نہلاتا ہے تاہم بھینس کے مالک نے بتایا کہ وہ اسے بیچنے کا ارادہ نہیں رکھتا۔
روزنامہ دنیا ایپ انسٹال کریں
