ریچھ سپرسٹور میں مفت ٹافیاں کھانے لگا، تصویر وائرل
واشنگٹن(نیٹ نیوز)امریکا کے ایک سٹور میں ریچھ داخل ہوگیا اور مفت ٹافیاں کھانے لگا، جسے دیکھ کر لوگوں میں خوف وہراس پھیل گیا۔
یہ واقعہ امریکی ریاست ٹینیسی میں پیش آیا، جہاں ایک ریچھ سپر سٹور میں داخل ہونے کے بعد ٹافیاں کھانے لگا، جس کی تصاویر اور ویڈیوز سوشل میڈیا پر وائرل ہوگئی ہیں۔لوگوں کی جانب سے ریچھ کو بھگانے کی کوشش کی گئی اس دوران وائلڈ لائف کے عملے اور پولیس کو بھی طلب کرلیا گیا تھا، تاہم اس واقعے میں کسی قسم کے نقصان کی اطلاع نہیں ملی۔ ریچھ کے سپرسٹورمیں داخل ہوکر ٹافیاں کھانے کی ویڈیووائرل ہونے پر صارفین اس میں خاصی دلچسپی دکھارہے ہیں اورخواتین اوربچے اس پر دلچسپ تبصرے بھی کررہے ہیں ۔
روزنامہ دنیا ایپ انسٹال کریں
