اے آئی کی جادوئی تخلیق مٹھائیوں کی دنیا کی دھوم
لاہور(نیٹ نیوز)اے آئی کی جادوئی تخلیق مٹھائیوں کی نئی دنیا نے انٹرنیٹ پر دھوم مچا دی۔ حالیہ دنوں میں ایک ویڈیو نے انٹرنیٹ کو اپنی طرف متوجہ کیا ہے۔۔
جو بھارتی مٹھائیوں کو ایک نئے دلکش انداز میں پیش کرتی ہے ۔ ویڈیو کا آغاز ایک دلکش آم کی لسی سے ہوتا ہے ، جو حقیقتاً خوابوں کی طرح نظر آ رہی ہے ، اس کے بعد بادام دودھ ایک گلاس میں انڈیلا جاتا ہے ، جو ایک میٹھے سفر کا آغاز کرتا ہے ۔ اس کے بعد ویڈیو میں مٹھائیوں کی ایک کمال کی گیلری دکھائی گئی ہے ، آم کی قلفی، فالودہ، گاجر کا حلوہ، گلاب جامن، کھیر اور یہاں تک کہ کرسپی جلیبیاں۔ ہر منظر اتنا دلکش اور لذیذ نظر آ رہا ہے کہ آپ سوچنے لگتے ہیں کہ کیا یہ حقیقت میں کھانے کے لائق ہیں؟ یہ ویڈیو انٹرنیٹ پر تیزی سے وائرل ہوگئی ہے اور اس کی خوبصورتی نے سب کو حیران کردیا ہے ۔
روزنامہ دنیا ایپ انسٹال کریں
