جھوٹ بول کر دوسرے ملک لیجانے پروالدین پر مقدمہ
لندن(نیٹ نیوز)برطانیہ میں ایک عجیب و غریب معاملہ پیش آیا ہے جہاں ایک 14 سالہ لڑکے نے اپنے والدین کے خلاف عدالت میں مقدمہ دائر کیا۔۔
کیونکہ انہوں نے اسے دھوکہ دے کر گھانا بھیج دیا۔بیٹا مارچ 2024 میں اپنے والدین کے ساتھ گھانا گیا تھا۔ لندن میں اسے یہ بتایا گیا تھا گھانا میں کوئی قریبی رشتہ دار بیمار ہے ، اس کی عیادت کیلئے جارہے ہیں حالانکہ دراصل والدین چاہتے تھے کہ وہ لندن کے "خراب ماحول" سے دور ہو رہے ۔گھانا کے بورڈنگ سکول میں اسے واپس آنے کی بھی اجازت نہیں تھی۔بیٹے نے ہائی کورٹ سے رجوع کیا لیکن فروری 2025 میں والدین کے حق میں فیصلہ دیا گیا تاہم رواں ماہ اپیل عدالت نے یہ فیصلہ کالعدم قرار دے دیا اور معاملے کا دوبارہ جائزہ لینے کا حکم دیا۔ عدالت نے اپنے نوٹ میں کہا کہ ہائی کورٹ نے لڑکے کے جذبات اور خواہشات کا درست طور پر خیال نہیں رکھا۔
روزنامہ دنیا ایپ انسٹال کریں
