کتے نے گلیشیئر کی دراڑ میں پھنسے مالک کی زندگی بچالی
برن(نیٹ نیوز)سوئٹزر لینڈ میں ایک چھوٹے سے کتے نے ایک شخص کی زندگی بچا لی جو برف پوش پہاڑیوں میں پھنس گیا تھا۔Chihuahua نسل کا یہ کتا کوہ الپس کی
ایک چٹان کی چوٹی پر کھڑا رہا جس سے ہیلی کاپٹر پر سوار امدادی عملے کو اس کے مالک کو تلاش کرنے میں مدد ملی۔ مالک جنوبی سوئٹزر لینڈ کے فی گلیشیئر پر ٹریکنگ کر رہا تھا جس دوران وہ ایک دراڑ سے نیچے جاگرا، اس کے پاس واکی ٹاکی موجود تھا جس کی مدد سے وہ قریب موجود ایک فرد سے رابطہ کرنے میں کامیاب ہوگیا۔اس فرد نے ایمرجنسی سروسز کو حادثے سے آگاہ کیا مگر اس شخص کی درست لوکیشن بتانے سے قاصر رہا۔آدھے گھنٹے کی فضائی سرچ کے بعد امدادی ٹیم نے کتے کو ایک چٹان کی چوٹی پر بیٹھے ہوئے دیکھا۔جب امدادی ہیلی کاپٹر کو کتے کے پاس لینڈ کیا گیا تو دراڑ میں گرنے والا شخص نظر آگیا۔ کمپنی نے اس کتے کو ہیرو قرار دیا ہے ۔
روزنامہ دنیا ایپ انسٹال کریں
