شہد کی مکھیوں کا دماغ کو کنٹرول کرنیوالی ہلکی ڈیوائس تیار
بیجنگ (نیٹ نیوز)چین کے سائنسدانوں نے کیڑے کے دماغ کو کنٹرول کرنیوالی دنیا کی سب سے ہلکی ڈیوائس تیار کرلی۔۔
شہد کی مکھی کے دماغ کو کنٹرول کرنیوالی اس چھوٹی سی ڈیوائس کا وزن 74 ملی گرام ہے ، اس طرح یہ ڈیوائس شہد کی مکھی کے پیٹ میں موجود اس خانے سے بھی ہلکی ہے جس میں مکھی شہد جمع کرتی ہے ۔ شہد کی مکھیاں عام طور پر جس خانے میں شہد کو جمع کرتی ہیں اس کا وزن تقریبا 80 گرام ہوتا ہے ۔ بیجنگ انسٹی ٹیوٹ آف ٹیکنالوجی کے سائنسدانوں کا خیال ہے کہ اس ڈیوائس کے تحت چھوٹے کیڑوں کے دماغ کو کنٹرول کرکے آفت زدہ علاقوں مثلا زلزلوں کے دوران بچ جانے والے افراد کو ریسکیو کرنے میں مدد مل سکتی ہے ۔ ڈیوائس کو شہد کی مکھی کی کمر سے باندھ کر 3سوئیاں اس کے دماغ سے جوڑی جاتی ہیں ، جس کے بعد آپریٹر برقی پلسز کے تحت مخصوص سمتوں میں مکھیوں کو اڑنے کی ہدایت کرتے ہیں۔
روزنامہ دنیا ایپ انسٹال کریں
