دل کے عارضہ میں مبتلا دانیال تنویر کی عمران خان سے ملاقات کی خواہش پوری
تحریک انصاف کے مرکزی رہنما جمشید اقبال چیمہ کی کوششوں سے دل کے عارضہ میں مبتلا طالبعلم دانیال تنویر کی عمران خان سے ملاقات کی دلی خواہش پوری ہو گئی
لاہور( سپیشل رپورٹر)عمران خان نے صحتیابی کے لئے دعا کرتے ہوئے گلے لگا لیا ۔ دانیال تنویرکوبدھ کے روز علاج کے لئے بھارت روانہ ہونا ہے ۔ اس نے بھارت روانگی سے قبل وزیر اعلیٰ محمد شہبازشریف اور تحریک انصاف کے چیئرمین عمران خان سے ملاقات کی خواہش کا اظہار کیا تھا ۔ عمران خان نے دانیال تنویر کے علاج معالجے کیلئے ایک لاکھ روپے کی نقد امداد بھی کی۔دانیال تنویر نے کہا کہ میرے پاس الفاظ نہیں جن سے عمران خان کا شکریہ ادا کروں۔
روزنامہ دنیا ایپ انسٹال کریں
