نئی موٹرسائیکل کی رجسٹریشن کیلئے ڈرائیونگ لائسنس لازمی قرار
موٹر سائیکل کے بعد گاڑی کی رجسٹریشن بھی لائسنس سے مشروط ہو گی ،فیصلہ ٹریفک قوانین پر پابندی اور ای چالان جمع نہ کرانے پر کیا گیا
لاہور(کرائم سیل،مانیٹرنگ )پنجا ب میں موٹرسائیکل کی رجسٹریشن کیلئے لائسنس لازمی قرار دیدیا گیا ، اگلے مرحلے میں گاڑیوں کی رجسٹریشن کیلئے بھی یہی شرط ہو گی ۔تفصیلات کے مطابق گزشتہ رو ز پنجاب حکومت ، سٹی ٹریفک پولیس اور سیف سٹی اتھارٹی کے حکام کا اجلاس ہو ا جس میں فیصلہ کیا گیا کہ صوبہ بھر میں نئی موٹر سائیکل کی رجسٹریشن کیلئے لائسنس لازمی قرار دے دیا گیا ہے ، اب کوئی بھی موٹر سائیکل بغیر لائسنس کے رجسٹر ڈ نہیں کی جائے گی ۔ابتدائی طور پر موٹر سائیکل کو لائسنس سے مشروط کیا گیا جبکہ اس کے بعد گاڑی کی رجسٹریشن بھی لائسنس سے مشروط ہو گی ، فیصلہ موٹر سائیکل سواروں کیجانب سے ٹریفک قوانین کی پابندی نہ کرنے اور ای چالان جمع نہ کرانے پر کیا گیا ۔
