صرافہ برادری کے مسائل پر مشاورت ضروری،اسحاق جٹ
ملتان (لیڈی رپورٹر )صرافہ بازار کے تاجر محمد اسحاق جٹ تھہیم نے کہا ہماری صرافہ برادری ایک مضبوط اور باوقار برادری ہے ۔ ہمیں اپنے اجتماعی مسائل کے حل کے لئے اتحاد، مشاورت اور عملی اقدامات کو ترجیح دینی چاہیے ۔
کاریگروں کے لئے روزگارصرافہ بازار کے ہنرمند اور محنتی کاریگروں کے لئے روزگار کے مؤثر مواقع پیدا کئے جائیں، تاکہ بے روزگار کاریگروں کو باعزت روزگار مل سکے ۔ سونے میں ملاوٹ کے خلاف مؤثر اقدامات سونے کے معیار اور صرافہ برادری کی ساکھ کو برقرار رکھنے کے لئے ملاوٹ کے خلاف مؤثر نظام بنایا جائے ۔ غیر معیاری یا زیادہ ملاوٹ والا سونا فروخت کرنے والوں کی حوصلہ شکنی کی جائے ۔ووٹ کی خرید و فروخت کا خاتمہ صرافہ بازار ملتان کے انتخابات میں ووٹ کی خرید و فروخت کا سلسلہ ختم ہونا چاہیے ۔ ووٹ کسی رقم یا ذاتی مفاد کے عوض نہیں بلکہ دیانت، کردار، قابلیت اور برادری کی خدمت کی بنیاد پر دیا جائے ۔ معاملات کے حل کے لئے پولیس اور انتظامیہ کے ساتھ مثبت اور مضبوط رابطہ ضروری ہے ، جن میں کوئی شخص سونا فروخت کرکے رقم وصول کر لیتا ہے اور بعد میں وہی سونا چوری کا ثابت ہونے پر دکاندار کو قانونی کارروائی کا سامنا کرنا پڑتا ہے ۔ اس سلسلے میں انتظامیہ کے ساتھ مل کر ایک شفاف اور مؤثر طریقہ کار بنایا جائے تاکہ قانون کی پاسداری کے ساتھ دکاندار کے حقوق کا بھی تحفظ ہو۔
Comments / رائے دیں
Share your thoughts. Comments are reviewed before they appear publicly.
Approved Comments