غلام محی الدین کو چیئرمین پنجاب فلم سنسربورڈبنانے کا فیصلہ
پنجاب حکومت نے سینئر اداکار غلام محی الدین کوپنجاب فلم سنسر بورڈ کا چیئرمین بنانے کافیصلہ کر لیا
لاہور(کلچرل رپورٹر)پنجاب حکومت نے سینئر اداکار غلام محی الدین کوپنجاب فلم سنسر بورڈ کا چیئرمین بنانے کافیصلہ کر لیا ۔بتایاگیا کہ محکمہ ثقافت پنجاب نے اس حوالے سے سمری وزیراعلیٰ کوارسال کردی ہے جسکی منظوری کے بعد نیافلم سنسر بورڈ قائم کردیاجائیگااس سے قبل شعیب بن عزیز بطور چیئرمین اپنے فرائض سرانجام دے رہے تھے ۔یاد رہے چندروزقبل صوبائی وزیر اطلاعات وثقافت فیاض الحسن چوہان نے پنجاب فلم سنسر بورڈ تحلیل کردیاتھا۔ اس حوالے سے روزنامہ دنیاسے گفتگوکرتے ہوئے غلام محی الدین نے اس بات کی تصدیق کردی کہ انکی سمری وزیراعلیٰ ہائوس بھجوائی گئی ہے تاہم انکا کہنا تھا میں یقین سے کچھ نہیں کہہ سکتاکہ یہ منظور ہو گی یانہیں،اگرمجھے یہ ذمہ داری ملی تو میری کوشش ہوگی کہ اسے احسن طریقے سے نبھائوں۔
