چین کا پاکستانی طلبہ کیلئے ماسٹرز اور پی ایچ ڈی پروگرامز میں مکمل فنڈڈ سکالرشپ کا اعلان
اسلام آباد(مانیٹرنگ ڈیسک)پاکستانی طلبہ کیلئے چین میں اعلیٰ تعلیم حاصل کرنے کا اہم موقع فراہم کر دیا گیا ہے ۔
چین کی جانب سے ماسٹرز اور پی ایچ ڈی پروگرامز کے لیے مکمل فنڈڈ سکالرشپ کا اعلان کیا گیا ہے ۔سکالرشپ میں فری ٹیوشن فیس، رہائش، میڈیکل سہولیات اور ماہانہ وظیفہ شامل ہے ۔ انجینئرنگ، سائنسز اور سوشل سائنسز کے شعبوں سے تعلق رکھنے والے طلبہ اس سکالرشپ کے لیے اہل قرار دئیے گئے ہیں۔درخواستوں کا عمل ہائر ایجوکیشن کمیشن (ایچ ای سی)کے ذریعے مکمل کیا جائے گا جبکہ سکالرشپ کے لیے درخواست جمع کرانے کی آخری تاریخ 18 جنوری 2026 مقرر کی گئی ہے ۔
روزنامہ دنیا ایپ انسٹال کریں
