’’پومپس البرٹ ‘‘دنیا میں سب سے زیادہ غصے والا بلا قرار
سیلکرِک ریکس نسل کی بلیاں بہت خوبصورت اور بالوں سے بھرپور ہوتی ہیں لیکن اسی قبیلے کے ایک بلے پومپس البرٹ کا موڈ ہر وقت خراب رہتا ہے
سالٹ لیک (نیٹ نیوز) سیلکرِک ریکس نسل کی بلیاں بہت خوبصورت اور بالوں سے بھرپور ہوتی ہیں لیکن اسی قبیلے کے ایک بلے پومپس البرٹ کا موڈ ہر وقت خراب رہتا ہے اور وہ بہت غصیلا دکھائی دیتا ہے ۔سوشل میڈیا پر اس کی 90 فیصد تصاویر میں وہ طیش میں نظر آتا ہے اور اسی بنا پر پوری دنیا میں لاکھوں مرتبہ اس کی تصاویر شیئر کی گئیں اور ہرروز مقبولیت حاصل کررہا ہے ۔سال 2014 میں اس کے مالک نے پومپس البرٹ کا اکاؤنٹ بنایا اور اب تک 40 ہزار افراد اس کے مداح بن چکے ہیں۔ پورے سوشل میڈیا پر اس کے پرستاروں کی تعداد اڑھائی لاکھ تک پہنچنے والی ہے ۔ علاوہ ازیں سینکڑوں ویب سائٹ اور جرائد میں اس کی غصیلا چہرہ دیکھا گیا ہے ۔ یہ سوشل میڈیا سٹار سالٹ لیک امریکہ کے ایک خاندان کے پاس ہے جس کے الجھے ہوئے بڑے بڑے بال البرٹ آئن سٹائن سے ملتے ہیں،اسی مناسبت سے البرٹ اس کا دوسرا نام ہے ۔ اس کی ہر تصویر پر کوئی نہ کوئی مزاحیہ جملہ لکھا ہوتا ہے جو اس کے مداحوں کو بھلا لگتا ہے ۔
