میونخ کا سانتا کلاز ایکوریم میں جا پہنچا،دلچسپ شو کا انعقاد
میونخ میں کرسمس کی تیاریوں کے سلسلے میں سانتا کلاز مچھلیوں کے ایکوریم میں جا پہنچا، دلچسپ شو کا انعقاد کیا گیا
جرمنی(نیٹ نیوز)میونخ میں کرسمس کی تیاریوں کے سلسلے میں سانتا کلاز مچھلیوں کے ایکوریم میں جا پہنچا، دلچسپ شو کا انعقاد کیا گیا۔کرسمس کی آمد میں ابھی کچھ روز باقی ہیں مگر دنیا بھر میں اس تہوار کی تیاریاں جہاں عروج پر ہیں وہیں سانتا کلاز بھی لوگوں میں خوب خوشیاں بانٹنے نکل پڑے ہیں۔ سوشل میڈیا پر وائرل ہونیوالی ویڈیو میں نظر آنے والے اس سانتا کلاز کو ہی دیکھ لیں جو لوگوں میں خوشیاں بانٹنے کے لیے مچھلیوں کے ایکوریم میں پہنچ گیا ہے ۔ جرمنی کے شہر میونخ کے ایکوریم میں سالانہ سکوبا سانتا شو کا انعقاد کیا گیا جس میں سانتا کلاز ڈائیور نے ٹینک میں اتر کر نہ صرف مختلف کرتب دکھائے بلکہ مچھلیوں کو دانہ بھی کھلایا۔مچھلیوں کے ساتھ کھیلتے اور کرتب دکھاتے سانتا کلاز کو دیکھ کر جہاں ننھے شائقین بے حد خوش ہوئے وہیں بڑے بھی خوب محظوظ ہوئے ۔
