ہفتہ رفتہ :سیمنٹ کی ریٹیل قیمت مستحکم
اسلام آباد (این این آئی)سیمنٹ کی ریٹیل قیمت میں گزشتہ ہفتے استحکام رہا۔ادارہ شماریات کے مطابق 21 ستمبرکوختم ہونے والے ہفتے کے دوران ملک کے شمالی علاقوں میں سیمنٹ کی بوری کی اوسط ریٹیل قیمت 1206 روپے ریکارڈکی گئی۔
جو پیوستہ ہفتے کے مقابلے میں 0.14 فیصدکم ہے۔ اسی طرح جنوبی علاقوں میں سیمنٹ کی بوری کی اوسط ریٹیل قیمت 1171 روپے ہوگئی جوپیوستہ ہفتے کے مقابلہ میں 0.29 فیصدزیادہ ہے ۔اعدادوشمارکے مطابق گزشتہ ہفتے اسلام آباد میں سیمنٹ کی بوری کی اوسط ریٹیل قیمت 1198 روپے ، راولپنڈی 1199 روپے ، گوجرانوالہ 1200 روپے ، سیالکوٹ 1200 روپے ، لاہور1240روپے ، فیصل آباد1200 روپے ، سرگودھا1175 روپے ، ملتان 1214 روپے ، بہاولپور1243 روپے ، پشاور1200 روپے اوربنوں میں بھی 1200 روپے ریکارڈکی گئی۔اسی طرح کراچی میں سیمنٹ کی بوری کی اوسط ریٹیل قیمت 1144 روپے ، حیدرآباد1150 روپے ، سکھر1200 روپے ، لاڑکانہ 1173 روپے ، کوئٹہ 1190 روپے اورخضدارمیں سیمنٹ کی بوری کی اوسط ریٹیل قیمت 1170 روپے ریکارڈکی گئی۔
