سیمنٹ کی ترسیل 3.96فیصدکم، 4.115 ملین ٹن ریکارڈ
لاہور(این این آئی)رواں سال ستمبر میں 3.96 فیصدکمی سے 4.115 ملین ٹن سیمنٹ کی ترسیل ریکارڈکی گئی جو گزشتہ مالی سال کی اسی مدت میں 4.284 ملین ٹن تھی۔آل پاکستان سیمنٹ مینوفیکچررز کے مطابق مقامی سیمنٹ مارکیٹ میں نمایاں کمی دیکھنے میں آئی۔
جس کی ترسیل ستمبر 2022 میں 3.806 ملین ٹن سے ستمبر 2023 میں 3.544 ملین ٹن رہ گئی، جو 6.87 فیصد کمی کو ظاہر کرتی ہے ۔ستمبر 2023 میں برآمدات کے حجم میں خاطر خواہ اضافہ دیکھا گیاجو پچھلے سال کے 478,097 ٹن سے بڑھ کر 570,101 ٹن تک پہنچ گیا۔ پہلی سہ ماہی کے دوران سیمنٹ کی صنعت نے مضبوط کارکردگی کا مظاہرہ کیا۔سیمنٹ کی کل ترسیل ملکی اور برآمدات 11.873 ملین ٹن تک پہنچ گئی۔یہ پچھلے مالی سال کے اسی عرصے کے دوران ریکارڈ کیے گئے 9.621 ملین ٹن کے مقابلے میں 23.40 فیصد کے غیر معمولی اضافے کی نمائندگی کرتا ہے ۔
روزنامہ دنیا ایپ انسٹال کریں
