علاقائی ممالک کو برآمدات میں 14فیصداضافہ ریکارڈ
اسلام آباد(اے پی پی)علاقائی ممالک کو ملکی برآمدات میں جاری مالی سال کے پہلے 4ماہ میں سالانہ بنیادوں پر 14.21 فیصد اضافہ ریکارڈ کیا گیا۔ اسٹیٹ بینک اور ادارہ شماریات کے مطابق افغانستان ، چین، بنگلہ دیش ، سری لنکا، نیپال اور مالدیپ کو پہلے 4 ماہ میں 1.443 ارب ڈالر کی برآمدات ریکارڈکی گئیں۔
علاقائی ممالک کو برآمدات کا حجم پاکستان کے مجموعی برآمدات کا 14.76فیصد ہے ۔ چین کو4 ماہ میں 952.21 ملین ڈالر کی برآمدات ریکارڈکی گئیں جو 40.36 فیصد زیادہ ہے ۔ افغانستان کو 180.68 ملین ڈالر کی برآمدات ریکارڈکی گئی ۔ بنگلہ دیش کو برآمدات کا حجم 192.19 ملین ڈالر ریکارڈکیا گیا جو 34.73 فیصد کم ہے ۔ سری لنکا کو114.47 ملین ڈالر کی برآمدات ہوئیں جو 2.68 فیصد زیادہ ہے ۔ نیپال کو 1.138 ملین ڈالر کی برآمدات ہوئیں جو 10.91 فیصد زیادہ ہے ۔ مالدیپ کو 3.093 ملین ڈالر کی برآمدات ریکارڈکی گئیں جو 17.87 فیصد زیادہ ہے ۔
