آئی سی ایم اے کی جانب سے فیصل آباد میں جاب فیئر کا انعقاد
کراچی(بزنس ڈیسک)انسٹیٹیوٹ آف کاسٹ اینڈ مینجمنٹ اکاؤنٹنٹس آف پاکستان(آئی سی ایم اے )نے زوم ایگزیکٹو مارکیفیصل آباد میں ایک میگا جاب فیئر 2023 کا انعقاد کیا۔
آئی سی ایم اے ایک پیشہ وراکاؤنٹنگ باڈی ہے جو اعلیٰ معیاری تعلیم، پیشہ ورانہ تربیت،تحقیق اور ترقی کی سرگرمیوں کی فراہمی میں مہارت رکھتی ہے جس کا مقصد کاروباری کارکردگی کو بہتر بنانا ہے ۔جاب فیئر میں 60 سے زائد کمپنیوں نے شرکت کی جو خاص طور پر فیصل آباد کے تمام بڑے صنعتی شعبوں کی نمائندگی کرتی ہیں۔ ایونٹ نے اکیڈمیا اور جاب مارکیٹ کے درمیان فرق کو ختم کیا۔ ایونٹ کو مثالی طور پر ایک نیٹ ورکنگ پلیٹ فارم کے طور پر رکھا گیا تھا اور اس کا مقصد پیشہ ور افراد کو ملازمت کے بہترین مواقع فراہم کرنا تھا۔ زندگی کے تمام شعبوں اور مختلف صنعتوں سے تعلق رکھنے والے پیشہ ور افراد نے شرکت کی۔ جاب فیئر میں فیصل آباد کے مختلف تعلیمی اداروں کی نمائندگی کرنے والے 3000 سے زائد طلباء نے شرکت کی۔تقریب میں آئی سی ایم اے کے صدر شہزاد احمد ملک، MARCOM کمیٹی کے چیئرمین ضیاء مصطفیٰ،اویس یاسین اعزازی خزانچی، ICMA، اشفاق احمد ناز، چیئرمین فیصل آباد برانچ کونسل نے شرکت کی۔
