گیس قیمتوں پر حکومت کی سرد مہری تشویشناک، فراز الرحمان
کراچی(بزنس ڈیسک)کورنگی ایسوسی ایشن آف ٹریڈ اینڈ انڈسٹری(کاٹی)کے صدر فراز الرحمان نے صنعتکاروں اور ایکسپورٹ انڈسٹری کی جانب سے۔۔۔
گیس کی قیمتوں میں ہوشربا اضافے کے بعد احتجاج اور ہڑتال کے بعد حکومت کی سرد مہری اور بے حسی پر تشویش کا اظہار کیا۔گزشتہ روزاپنے بیان میں انہوں نے کہا کہ 3 ہزار سے زائد انڈسٹری نے یکمشت ہڑتال کی لیکن حکومت اور انتظامیہ پر کوئی اثر نہ پڑا جس سے اندازہ ہورہا ہے کہ حکومت صنعتکاروں کو ریلیف فراہم کرنے میں دلچسپی نہیں رکھتی۔ انہوں نے وزیر اعظم انوار الحق کاکڑ، آرمی چیف جنرل عاصم منیر اور وزیر تجارت و صنعت ڈاکٹر گوہر اعجاز سے مطالبہ کیا کہ وہ فوری طور پر صنعتکاروں کو درپیش مسائل پر فوری توجہ دیں۔ صنعتکار پہلے ہی پیداواری لاگت کے باعث دیوالیہ ہو رہا ہے ، ایسی صورت میں گیس کی قیمت میں 132 فیصد اضافہ ادا کرنے کی سکت نہیں رکھتا۔
