ڈالر کے 250سے 260کے درمیان آنے کی پیش گوئی
کراچی(آئی این پی)چیئرمین فاریکس ایکسچینج ایسوسی ایشن آف پاکستان ملک بوستان نے ڈالر کی قیمت مزید گرنے کی پیش گوئی کرتے ہوئے کہا کہ مستقبل میں ڈالر 260 سے 250 کے درمیان آسکتا ہے ۔
گزشتہ روزاپنے بیان میں ملک بوستان نے کہا کہ آئی ایم ایف سے رقم جلد مل جائے گی جس کے بعد ڈالر مزید گرے گا اور مستقبل میں ڈالر 260 سے 250 کے درمیان آسکتا ہے ۔ملک بوستان کا کہنا تھا کہ ڈالرکی قدر کم ہورہی تھی تو بینکس اور مارکیٹ پلیئرز کو اچھا نہیں لگا تاہم یواے ای سے اربوں ڈالرز کی سرمایہ کاری کی توقع ہے ۔واضح رہے کہ گزشتہ دو ہفتوں سے ڈالر کی قدر میں مسلسل کمی ریکارڈ کی جارہی ہے۔ گزشتہ ہفتے بھی انٹر بینک میں ڈالر ایک روپے 9 پیسے سستا ہوا جبکہ اوپن مارکیٹ میں ڈالر کی قدر میں ایک روپے 25 پیسے کمی ریکارڈکی گئی۔
روزنامہ دنیا ایپ انسٹال کریں
