موبائل فون کی قیمتوں میں 20سے 30فیصد تک کمی
کراچی (این این آئی)موبائل فون کی قیمتوں میں 20 سے 30 فیصد تک کمی ہوگئی ۔موبائل مارکیٹس میں ایک لاکھ روپے والا اسمارٹ فون 70 ہزار روپے کا ہوگیا۔۔
،64 ہزار روپے مالیت والا موبائل فون اب 50 ہزار میں فروخت ہورہا ہے ۔50 ہزار روپے والے موبائل کی قیمت 38 سے 40 ہزار روپے تک ہو گئی ہے ۔مارکیٹ میں اب 20 ہزار روپے میں بھی اسمارٹ فونز دستیاب ہیں۔کی پیڈ والے موبائل فون کی قیمتیں بھی گر گئی ہیں ، کی پیڈ والے موبائل کی قیمت 1800 روپے تک آگئی ہے ،مارکیٹ ذرائع کے مطابق ملک میں چینی موبائل کی قیمتیں کم ہونے سے دیگر برانڈز کی قیمتوں میں کمی واقع ہوئی ہے ۔صارفین کا کہنا ہے موبائل کی قیمتیں اب بھی مہنگی ہیں ،مہنگے کرتے وقت موبائل فونز کی قیمتوں میں 40 سے 50 فیصد اضافہ کیا گیا، لیکن جب قیمتیں کم کرنے کی باری آئی تو صرف 20 سے 30 فیصد کمی کی گئی۔دکانداروں کا کہنا ہے ڈیمانڈ کم ہونے سے موبائل فون کی قیمتوں میں کمی آئی ہے۔
